Entaifer ils novs museums virtuals dal cyberspace occupa quest project ina posiziun tut speziala.
Il TRANSFER VIRTUAL n'è betg ina collecziun digitala, nagin portal, nagin museum virtual, mabain la visiun d'interagir e communitgar cun nossas visitadras e noss visitaders.
L'intent dal TRANSFER VIRTUAL è la communicaziun directa ed el funcziunescha sco ina sort d'"agentura online" da la gruppa musée suisse.
Cun la rescuverta dal scharm e dal carisma dals objects or da nossa collecziun, lur istorgias e lur effect sin l'aspectatur fa il TRANSFER VIRTUAL frunt a la lavina d'infurmaziun en il world-wide-web.
La pussaivladad d'explorar lieus ed istorgias, la tscherna selectiva dals objects, in stil da s'adressar al public en moda persunala, ina dramaturgia attractiva e la realisaziun multimediala offran impuls, inspireschan e stimuleschan uschia l'atgna creativitad da las visitadras e dals visitaders.
Il TRANSFER VIRTUAL na duai betg remplazzar ils museums naziunals. El è in champ per sviluppar ina strategia experimentala per l'intermediaziun interactiva. Durant la fasa da planisaziun dal nov museum naziunal generescha il TVMS publicitad, attenziun ed in aut grad da percepziun.







Navigation in deutsch Navigation en français Navigation in italiano Navigaziun in romantsch Navigation in English