Fundà avant passa 100 onns sco simbol e punct da cristallisaziun da l'identitad naziunala aveva il museum l'incarica da tgirar e mantegnair l'ierta culturala. Oz è il Museum naziunal svizzer confruntà cun novas incumbensas e novas sfidas. Per accumplir er en avegnir ils pensums principals d'in museum - collecziunar, conservar, perscrutar e surtut intermediar - sto il Museum naziunal sviluppar novs concepts ed offrir novs spazis d'exposiziun.
Ina collecziun d'objects adina pli vasta, visitaders cun auters basegns e novs giavischs ed in edifizi en in nausch stadi pretendan ina restauraziun ed in engrondiment dal museum. Ils midaments architectonics previs porschan al museum ina gronda schanza per coordinar da nov ils cuntegns e las strategias, l'intent e la furma. Il museum dal 21. tschientaner duess intermediar l'istorgia culturala da la Svizra en moda e maniera captivanta, cun in grond resun en las medias ed accumpagnà d'ina buna strategia da vendita. Il nov Museum naziunal è in lieu d'inscunter urban che collia la tradiziun dal passà cun las sfidas dal futur.

Il nov Museum naziunal per la Svizra







Navigation in deutsch Navigation en français Navigation in italiano Navigaziun in romantsch Navigation in English